SUSPÉNDESE A CELEBRACIÓN DO “DUATLÓN RIBADUMIA 2018” DEBIDO A INXERENCIAS POLÍTICAS.

DEBIDO AS INXERENCIAS DUNHA FORZA POLÍTICA, QUE PRETENDE POLÍTIZAR O DUATLÓN PREVISTO PARA ESTE DOMINGO, E ANTE O PERIGO DE QUE SE DESVIRTUE TODO O TRABALLO QUE HAI DETRAS DESTA PROBA, A ASOCIACIÓN HERMINIO BARREIRO DECIDIU, MOI O SEU PESAR, A SÚA SUSPENSIÓN.

ACHEGAMOS COMUNICADO DO PRESIDENTE DA ASOCIACIÓN HERMINIO BARREIRO EXPLICANDO OS MOTIVOS DESTA DECISIÓN.

A ASOCIACIÓN HERMINIO BARREIRO SUSPENDE A CELEBRACIÓN DO “DUATLÓN RIBADUMIA 2018” DEBIDO AS INXERENCIAS POLÍTICAS.

  • Negámonos a participar en xogos políticos, e lamentamos que unha forza política local pretenda usar para os seus intereses propios un evento, organizado por unha entidade allea á política, que viña aportando prestixio ó noso concello dende o ano 2013.
  • Agradecemos todo o apoio prestado por moitas persoas de xeito voluntario, pola Agrupación Local de Protección Civil de Ribadumia, e polo propio Concello de Ribadumia, que axudaron durante estes anos a cumprir o noso soño de que Ribadumia gañara repercusión no mundo deportivo.

A xunta directiva da Asociación Herminio Barreiro, reunida de urxencia a vista do comunicado de prensa emitido por unha forza política, neste caso na oposición do goberno local, no que, en relación ao “Duatlón Ribadumia 2018”, acusa a esta Asociación de discriminar por razón de sexo e fai mención particular á relación dun concelleiro do goberno actual con esta Asociación, queremos facer público o seguinte comunicado:

A acusación desa forza política baséase nunha interpretación interesada das bases que rexen a celebración da proba deportiva, concretamente a referida ó apartado de premios, no que efectivamente establécense dúas posibilidades de premios económicos, a aplicar en función do número de inscritos, separando categorías feminina de masculina, pois compiten por separado, e non en categoría única como pretende facer creer esa forza política no seu comunicado. Non existe pois, ningún tipo de discriminación nin minoración dos dereitos das mulleres, nin moito menos exercicio de machismo ningún.

Como saben os dirixentes desa forza política, a Asociación Herminio Barreiro organiza o Duatlón sen pretender ningún beneficio económico. E faino gracias ó traballo dos voluntarios da Asociación, que cargan co peso da organización e a xestión do evento. O financiamento da proba conséguese a través de varias vías: fondos propios, unha pequena axuda municipal (que este ano 2018 inda non solicitamos), e unha importante aportación de empresas privadas, a inmensa maioría delas de carácter local, que fan un esforzo importante para que este evento sexa posible. Estas aportacións cubren parte dos gastos organizativos (seguros, alugueiro de vallas e equipos técnicos, avituallamentos, etc). Os ingresos restantes proveñen do pago por inscrición d@s participantes, que se dedican a cubrir, en primeiro lugar os premios económicos da proba e, se o nivel de inscritos o permite, axudar co resto de custes. Os premios económicos, para garantir a súa viabilidade, establécense nunha táboa representativa, marcando dúas posibilidades de reparto en función do número de participantes. Os membros da forza política que realizou as acusacións de machismo, non interpretaron correctamente esta parte do regulamento da proba. Efectivamente esta norma podería conlevar a circunstancia de que a categoría feminina, que lamentablemente acostuma a ter unha participación menor, tivera un reparto de premios económicos menor. Pero hai que subliñar que o motivo non é sexista, pois o apoio ó sector feminino, porcentualmente falando en relación o número de participantes por sexo, e maior ó masculino.

Con respecto a participación menor das mulleres nestes eventos, entendemos que o debate non está nas contias, pouco significativas, dos premios dunha proba popular (non oficial), se non noutra serie de cuestións que se escapan do noso ámbito de actuación. En calquera caso, a nosa proba non solo da premios máis altos que outras probas similares, se non que da premios a un maior numero de participantes.

Queremos tamén deixar claro que esta proba lévase celebrando dende o ano 2013, gobernando naquel momento quen agora nos crítica, coas mesmas bases no apartado de premios, sen que isto supuxera ningún tipo de problema. E a este respecto, lamentamos que a forza política que nos acusa inxustamente, non tivera a deferencia de facer o lóxico, que sería dirixirse en primeiro lugar a esta Asociación, e pedir as explicacións oportunas.

Polas súas declaracións é evidente que esta forza política, realmente non ten ningún interese no deportivo nin na loita pola igualdade, se non que busca interesadamente crear algún tipo de conflito de carácter político, e para conseguilo non ten problema en tentar desprestixiar a esta Asociación, a día de hoxe unha das máis activas no Concello de Ribadumia e na comarca do Salnés, con actividades que van moito máis alo do deportivo, traballando no eido social, no infantil e no cultural, e que fai xa tempo que ten un gran recoñecemento como exemplo a seguir no ámbito do asociacionismo no Salnés.

E evidente tamén ,a vista do publicado nos medios de prensa, que esta forza política, que por certo ten membros participando nas direccións de diferentes entidades deportivas, pretende poñer o foco, dando así a entender que somos unha entidade politizada, nun membro da nosa Asociación, socio fundador desta entidade, creada no 2012, gran activista, e que sempre mostrou un gran respecto cara esta entidade e a súa posición apolítica. A este respecto queremos deixar claro que nesta Asociación non lle preguntamos a ninguén pola súa ideoloxía política, nin pola súa relixión, nin moito menos discriminamos, nin por estes motivos, nin por razón de raza, sexo ou condición.

A nosa Asociación sempre estivo, e sempre estará, aberta a participación de quen o desexe.

Dito todo isto. Non imos permitir que se nos implique en loitas políticas de ningún tipo, nin que se desmereza o traballo que dende esta Asociación realizan moitas persoas de xeito totalmente altruísta, dispoñendo do seu tempo e medios particulares para difundir valores positivos e conseguir que o noso concello sexa un lugar mellor.

Despois de conseguir, con moito esforzo, o financiamento necesario para facer isto posible, de realizar os cambios que creiamos que ían ser mais positivos para a reputación da proba, de solucionar os enormes problemas que supón paralizar o trafico nun centro urbano, de definir un circuíto que fora atractivo para publico e participantes… en definitiva, de meses de moito traballo, este domingo, ó redor vinte membros da Asociación Herminio Barreiro tiñan que levantarse as cinco da mañá para facer posible un evento que ía reunir un número de participantes superior a edición anterior, previsiblemente á vista da evolución da inscrición próximo os 150 deportistas chegados de toda Galicia, xunto a máis de corenta voluntarios e traballadores, e unha gran cantidade de público moito do cal quizais non coñecese Ribadumia. E todo isto ía traer beneficios ó noso Concello. Pero nestas condicións non nos sentimos con ánimos para realizar a tarea. Así non.

Polo tanto, debido unicamente as inxerencias de carácter político que poderían desvirtuar a proba , anunciamos a súa suspensión.

Xa pedimos a empresa que xestiona telemáticamente o evento que proceda bloquear o proceso de inscrición, a informar a todas persoas xa inscritas na proba da súa suspensión e que a maior brevidade posible realice a devolución dos custes de inscrición.

De xeito inmediato procederemos a devolver todos os aportes económicos procedentes de empresas privadas, e a darlle a cada unha delas as pertinentes e detalladas explicacións.

Por suposto, todos os custes derivados da suspensión da proba serán asumidos por esta Asociación.

Queremos pedir desculpas en primeiro lugar o actual Goberno de Ribadumia, sen ningunha responsabilidade en todo o acontecido, polas molestias que puideramos ocasionar. Somos conscientes do seu apoio a este evento, e agardamos que sepan entender nosa posición. Tamén queremos desculparnos con todas as persoas e empresas que nos axudan, cos membros da Agrupación Civil de Ribadumia polas molestias que lles puideramos ocasionar. E en terceiro lugar, os e as deportistas que tiñan previsto participar na proba este domingo. Agardamos que entendan que non podiamos permitir que se politizara este evento.

Esiximos á forza política que nos atacou tan inxustamente unhas desculpas e unha rectificación públicas, e que no sucesivo teñan un maior respecto polas entidades que traballan cada día moi duro e de xeito altruista para conseguir que este mundo sexa un lugar mellor.

Por último, Como Asociación seguiremos traballando como ata agora, pero dende logo, non imos tolerar que se nos poñan paus nas rodas, e menos deste xeito. Se se nos sigue atacando desta maneira, e se insiste en tentarnos usar de maneira política, plantexarémonos a nosa disolución.

Albino Cores Rodriguez. Presidente da Asociación Cultural Herminio Barreiro.

Patrocinadores.

   Unha proba como o Duatlón Ribadumia non só ten un enorme traballo organizativo e loxístico detrás, tamén hai uns custes económicos importantes, que obrigan, non so a cobrar unha inscrición, se non tamén a solicitar axuda externa.

 Nese sentido, estamos moi agradecidos de poder contar co Concello de Ribadumia, pero tamén estamos enormemente agradecidos a todas esas empresas, algunha grande, a maioria  pequenas e de nivel local, que poñen o seu granciño de area para que isto sexa posible. E máis nestes tempos, onde hai que mirar como gastar cada euro.

   Somos conscientes do esforzo que todas esas entidades fan para axudarnos, por ese motivo temos habilitado nesta web un espazo propio para elas, e aproveitamos para animarvos a que  axudedes  a todas esas empresas, e as teñades en conta cando precisedes calquera dos variados servizos ou produtos que ofrecen…

Podedes ver todas as empresas que nos apoian na sección “colaboradores

Screenshot_20180117-190712.png

 

Xa está dispoñible o percorrido Duatlón Ribadumia 2018.

imaxe circuito

     Xa está definido o circuito do Duatlón Ribadumia 2018.

   Cunhas medidas standarizadas, conformamos un circuíto con tres sectores. Un primeiro de 2,5 km ó que haberá que dar dúas voltas; un segundo sector de bicicleta cunha distancia de 5 km, o que haberá  que dar catro voltas ata completar 20km; e un terceiro e último sector, que haberá que percorrer correndo e que constara de 2,5 km.

  Inda que o percorrido da proba se alonxará un par de kilometros do núcleo de Barrantes, pasando por un entorno de gran beleza natural, entre viñedos e coa vista dos meandros do Umia de fondo, será nas  rúas máis céntricas de Barrantes onde se concentrará o meollo da proba. A saída, zona de transición e meta estarán na Avenida Bouza Martín, pleno centro de Barrantes, que permanecerá cortado o tráfico nese tramo toda a mañá, para garantir a seguridade; e será polas rúas aledañas polas que transcorra a carreira a pe e boa parte do sector en bicicleta.

Para acceder os detalles da proba, xa temos colgado o regulamento nesta mesma web, na sección regulamento e rutómetro . O documento inclue o rutómetro pormenorizado da proba, así como todas as cuestións referidas á proba ( carácteristicas, horarios,  trofeos e premios económicos… )

Tamén podedes acceder os dous circuitos, carreira e bicicleta, colgados na aplicación Endomondo :

http://www.endomondo.com/embed/routes?id=1041565981&width=900&height=600

http://www.endomondo.com/embed/routes?id=1041569397&width=900&height=600

En resumo, o 18 de xaneiro as e os participantes desta proba poderán disfrutar dun circuíto moi completo en canto as características técnicas, e  que transcorrerá tanto por zonas urbanas como entre viñedos e paraxes naturais de gran beleza. E o público poderá disfrutar da emoción da carreira, das intensas transicións e da chegada a meta , e todo coa comodidade de estar en pleno nucleo urban.

sector carreira a pe
Imaxe de satélite do sector de carreira a pe

imaxe

sector carreira en bicicleta
Sector de carreira en bicicleta

A loxística do Duatlón Ribadumia 2018, co apoio de empresas de primeiro nivel.

  En próximos días poderemos avanzarvos cales serán os circuítos do Duatlón Ribadumia 2018, non de xeito definitivo, pero si moi aproximado. Pero mentres tanto seguimos traballando en tarefas organizativas, de reunión de recursos, negociación cos patrocinadores,  a loxística…

 Dende que no ano 2012 iniciamos a nosa andaina organizando eventos deportivos, tivemos moi claro que nos tempos actuais, se se quere ter unha proba con altos estadares de calidade, e que resulte atractiva a participantes e público, unha das cuestións primordiais, e que  hai que contar para os temas loxísticos, incricións e cronometraxes, con empresas de alto nivel.

 En Galicia actualmente hai varias empresas moi competentes na organización de eventos deportivos. Nos, pola nosa banda, xa levamos varios anos confiando en EMEsports e en Ezequiel Mosquera, que non solo foi un gran deportista no seu momento, se non que é un gran profesional .

  Así pois, este ano volveremos contar con esta empresa para cuestións loxísticas e de cronometraxe. Ademais, a inscrición ides poder tramitala a traes da súa web, que conta con todos os certificados de confianza.

 

emesports

Todo muda.

   Durante cinco edicións, un grupo de amigos e amigas, unidos na Asociación Cultural Herminio Barreiro, organizamos, coa axuda doutras entidades, unha proba deportiva que traía ó pequeno lugar de Cabanelas, concello de Ribadumia,   o espectáculo dunha disciplina  denominada  Duatlón Cross, nunha proba que chamamos, non podía ser doutro xeito, Duatlón Cross Ribadumia.

   Pero logo de cinco anos de moitos traballos e alegrías,  chegou a hora de abandonar o espectacular entorno do río Umia.

  Mais non nos imos. Solo mudamos de escenario. Mudamos o monte polo asfalto, e o entorno rural por outro un chisco, solo un chisco, máis urbano.

Sacámoslle a denominación Cross ó nome da proba, pero solo iso se perde. Por que o espiritu mantense, e  as ganas e a ilusión que poñemos dende a organización ganan forza con este  novo reto.

  Así pois, anunciamos hoxe que o “Duatlón Cross Ribadumia”, pasa a denominarse “Duatlón Ribadumia”, mudando tamén dunha proba de monte a unha proba que transcorrerá  integramente por asfalto, e que terá como núcleo do percorrido o centro de Barrantes, no Concello de Ribadumia.

  Tamén movemos a data da proba, voltando as nosas orixes, movemonos para xaneiro. O 28 de xaneiro, para ser exactos. O que non movemos é o  día da semana, pois volveranos tocar madrugar en domingo.

  Acorde a este novo reto, impulsamos nova web e páxina no facebook, a traves das cales vos iremos informando de todas as novidades deste, para nos, novo e ilusionante reto.

E como sempre, estades convidad@s a vivilo con nos.